كرواتيا حتى هي تدربات مع الصباح وها علاش باغي يعتمد مودريتش وصحابو ضد المغرب

تدرب المنتخب الكرواتي هاد الصباح وكيستعد باش يلعب ضد المنتخب الوطني المغربي نهار الأربعاء الجاي فالماتش الأول من كأس العالم قطر 2022.
مدرب كرواتيا زلاتكو داليتش حتى دار للعابا الكرواتيين حصة تدريبية مع 11 النهار، فالتوقيت اللي غادي يتلعب فيه الماتش ضد المغرب، وكان لوكا مودريتش وصحابو كيترينيو بجدية.
وركز المدرب الكرواتي زلاتكو داليتش مع اللعابا ديالو على الكوفرات، وتريناو عليها لوقت مهم فالحصة، ومعاولين عليها ضد المغرب حيث عندو لعابا كيتيرو الكوفرات فحال مودريتش وبيريسيتش وراكيتيتش وكوفاتيتش.
وغادي يلعب المنتخب الوطني المغربي نهار الأربعاء ضد كرواتيا فأول ماتش من كأس العالم قطر 2022، فتيران "البيت وهذا ماتش مهم حيث الرباح فيه عندو قيمة كبيرة بزاف باش يتأهلو الأسود للدور الثاني.