سليم أملاح بخير وكيتدرب مع الأسود وحاضر فماتش المغرب ضد كرواتيا

غادي يكون سليم أملاح حاضر فالماتش ديال المنتخب الوطني المغربي ضد كرواتيا الأربعاء الجاي، فأول جولة من كأس العالم قطر 2022.
وبخصوص سليم أملاح كشف مصدر مطلع لموقع "كود" بلي اللعاب غادي يكون واجد باش يلعب أول ماتش ضد كرواتيا وكيوجد مع صحابو فليكيب ناسيونال وراه حاضر الحصة التدريبية ديال هاد الصباح فتيران الدحيل، وهادشي عكس ما كان كيروج بلي الإصابة غادي تحرم المنتخب من الخدمات ديالو ضد كرواتيا.
وكانت معلومات كتشير فالساعات الماضية إلى أن سليم أملاح مشكوك الجاهزية ديالو وموحال غادي يلعب ضد كرواتيا حيث موعت، لكن اللعاب واجد وغادي يكون حاضر فالماتش.