الركراكي: غادي نوجدو لماتش كرواتيا ولكن ها شنو غندير قبل منو

أكد الناخب الوطني وليد الركراكي أن المنتخب الوطني المغربي غادي يوجد لماتش الترتيب ضد كرواتيا، ولكن المهم دابا هو يجمع اللعابا ويشكرهم على المشوار المشرف اللي دارو، والوصول إلى نصف نهائي كأس العالم قبل ما يودعو البطولة أمام فرنسا اليوم الاربعاء بالخسارة بنتيجة 2 لزيرو.
وبخصوص ماتش الحصول على المركز الثالث، قال وليد الركراكي خلال تصريح له: "الماتش ديال الترتيب ضد كرواتيا ما غاديش يكون ساهل، خاصنا نعطيو الفرصة للعابا اللي باقي ما شركوش، ونشوفو الإصابات ديال اللعابا اللي موعتين".
وكمل الناخب الوطني وليد الركراكي وقال: "قبل من كلشي غادي نجمع اللعابا ونرتاحو ونقول للدراري برافو حيث تقاتلو وهذا هو المهم".