ديشان مدرب فرنسا: وليد الركراكي مدرب قوي وها الدليل

اعتبر ديديي ديشان مدرب منتخب فرنسا، الناخب الوطني وليد الركراكي مدرب قوي، من بعدما وصل لدومي فينال كأس العالم قطر 2022، وبارك له على هاد الانجاز وهادشي قبل الماتش الحاسم ما بين المغرب وفرنسا غدا الأربعاء فنصف نهائي المونديال.
وقال ديديي ديشان ملي تطرح عليه سؤال فالندوة الصحافية اللي كتسبق ماتش المغرب وفرنسا، على واش كيتفق مع وليد الركراكي على أن الإحصائيات ماشي ديما كتكون مهمة وقال: "وليد الركراكي دار خدمة واعرة وانجاز استثنائي وكنبارك له حيث الوصول لنصف نهائي كأس العالم هو إنجاز مدهل وهادشي كيأكد أنه مدرب قوي".
وكمل ديشان الكلام ديالو وقال: "الإحصائيات ماشي ديما كتكون مفيدة والمشكل ديالها كتعطيك الحاجة والضد ديالها وكلشي كيعتمد على التحليل ديالك لها، ولكن كتبقى مهمة وديما كاين هامش ديال الغلط فيها، وكتكون شي قراءات مظللة ولكن كتعطيك بعض المؤشرات وكتقدر تاكد الحقيقة".