كوندي: المغرب منتخب قوي والماتش ضد المغاربة صعيب بزاف

اكد جول كوندي مدافع المنتخب الفرنسي أن المغربي خصم فرنسا فنصف نهائي كأس العالم قطر 2022، منتخب قوي وعندو بزاف من المميزات وما وصلش لهاد الدور بالزهر.
وقال كوندي فتصريح له: "حنا ما مبرزطينش حيث المغرب لعب مع 4 المنتخبات قبل منا وتفوق عليها، المنتخب المغرب دار مونديال واعر بزاف وربح فرق كبيرة وفالماتش ضدو غادي نكونو جديين"
وكمل كوندي الكلام ديالو على المغرب وقال: "ماشي مفاجأة الوصول ديال المنتخب الوطني المغربي لنصف نهائي كأس العالم وراه كيستحقو يتأهلو لهاد الدور، المغاربة عندهم منتخب متماسك مزيان وحتى الخطوط ديالهم متماسكة ومتقاربة بزاف ومنظمين مزيان، وهادشي ميديا من الدفاع ديالهم وسراع الامر اللي كيخلي المهمة ديالنا صعيبة بزاف وخاصنا نلعبو ضربة ضربة وبلمسات قليلة حيث المغاربة قادرين يفتكو الكرة".