مدرب إسبانيا موجد اللعابا ديالو لبيلانتيات ضد المغرب

أكد لويس إنريكي مدرب إسبانيا بلي هو والمنتخب ديالو دارو جميع الاحتمالات الماتش ديالهم غدا الثلاثاء ضد المغرب فثمن نهائي كأس العالم قطر 2022، بما فيها الوصول لضربات الترجيح.
وتحدث لويس إنريكي فالندوة الصحافية اللي كتسبق ماتش المغرب وإسبانيا وقال: "الرباح كيعني التأهل والخسران كيعني نتقصاو من البطولة درسنا المنتخب المغربي مزيان وكلشي ممكن فهاد الماتش".
وبخصوص سيناريوهات الماتش ووصول المنتخبين لضربات الترجيح قال مدرب إسبانيا: "نقدرو نوصلو لبيلانتيات، حنا ما عندناش مشكل حراس المرمى ديالنا 3 مزيانين فيها، واللعابا كندربوهم عليها".