إنريكي مدرب إسبانيا: المغرب من أحسن المنتخبات فالمونديال ولكن عندنا فرصة باش نتأهلو

أكد لويس إنريكي مدرب المنتخب الإسباني الخصم ديال المغرب غدا الثلاثاء فماتش ثمن نهائي كأس العالم قطر 2022، بلي المنتخب الوطني المغربي من أحسن المنتخبات فهاد النسخة.
وقال لويس إنريكي فالندوة الصحافية اللي كتسبق ماتش المغرب وإسبانيا: "المغرب واحد من أحسن المنتخبات فكأس العالم قطر 2022، والمورال ديالهم مزيان بزاف دارو متشات واعرين وكانو فكروب صعيب وتصدروها وعندهم طموح".
وبخصوص حظوظ منتخب إسبانيا فالماتش ضد المغرب قال لويس إنريكي: "حنا ما عندناش المفاتيح والحلول ديال جميع الخصوم اللي غادي نلعبو معهم ولكن كنشوف بلي عندنا فرصة زوينة باش نتأهلو لربع نهائي كأس العالم".