ها شنو قال وليد الركراكي على غياب رونالدو ضد المغرب

أكد وليد الركراكي مدرب المنتخب الوطني المغربي بلي هو مدرب واقعي بامتياز ملي تحدث على إمكانية غياب الكابيتان ديال منتخب البرتغال كريستيانو رونالدو فالماتش ديال غدا السبت فربع نهائي كأس العالم قطر 2022، ضد المغرب.
وجاوب وليد الركراكي ملي تلقى سؤال فالندوة الصحافية اللي كتسبق ماتش المغرب والبرتغال، على إمكانية حضور أو غياب النجم البرتغالي كريستيانو رونالدو ضد ليكيب ناسيونال وقال: "أنا كمدرب كنتمنى أن رونالدو ما يلعبش حيث هو واحد من أحسن اللعابا فالتاريخ".
وأكد وليد الركراكي بلي المنتخب المغربي ما غاديش يركز على شكون غادي يلعب من البرتغال حيث هذا خطأ، ولكن خاصهم يفكرو فهاد التحدي ديال ربع النهائي باش يتأهلو ويبقاو فالبطولة.