لقجع تدخل باش يحبس معاناة المغاربة بسبب تيكي ماتش المنتخب الوطني وإسبانيا وجاب تذاكر

تدخلت الجامعة الملكية المغربية لكرة القدم برئاسة فوزي لقجع باش توفر عدد من تذاكر ماتش ثمن نهائي كأس العالم قطر 2022، اللي غادي يجمع الثلاثاء الجاي ما بين المغرب وإسبانيا فتيران المدينة التعليمية.
ومن بعد تدخلات الجامعة الملكية المغربية لكرة القدم ومجهودات كبيرة دارتها، قرر الاتحاد الدولي لكرة القدم يخصص 5000 تذكرة الخاصة بالماتش ما بين المنتخب الوطني المغربي والاسباني، للجماهير المغربية.
وراه وضعت الفيفا هاد التذاكر فالموقع الرسمي الخاص ببيع التذاكر، مع العلم أن هاد التدخل من الجامعة الملكية المغربية لكرة القدم كيجي من بعد معاناة كبيرة ديال الحمهور المغربي اللي كيتقاتل هادي يومين باش يقطع تيكي ديال الماتش ومالقاهش حيث سالا فالموقع الرسمي وقليل حتى فالمارشي نوار والأثمنة ديالو خيالية.