الرجاء مهدد بالمنع من الانتدابات والبدراوي كيجري باش يفك القضية

كيعيش الرجاء الرياضي التهديد بالمنع من الانتدابات فالانتقالات الشتوية اللي جايا، بسبب النزاعات مع اللعابا السابقين ديال الفرقة فالاتحاد الدولي لكرة القدم الفيفا وفالجامعة الملكية المغربية لكرة القدم.
وبخصوص الانتدابات اللي مطالب الرجاء باش يديرها فالميركاتو الجاي كشف عزيز البدراوي رئيس النادي بلي الفرقة حاطا عينيها على شي أسماء ولكن راه القضية صعيبة، حيث خاصها بعدا تحل المشاكل ديالها فالنزاعات.
وقال عزيز البدراوي فأنستغرام ديالو: "كاينين بعض الأسماء مطروحة علينا كندرسوها، فالوقت اللي كنجريو باش نرفعو علينا مشكل المنع من الانتدابات من طرف الفيفا والجامعة بسبب الأحكام".