البدراوي طلب من مسؤولين الشارقة الإماراتي بحق الرجاء فانتقال مالانكو لقطر

طمأن المسؤولين ديال الشارقة الإماراتي الرجاء الرياضي والجمهور ديالها وواعدوهم بلي غادي يصيفطو لهم حق الخضرا فصفقة انتقال اللعاب الكونكولي بين مالانكو من الفرقة الإماراتية لقطر القطري وهادشي حسب ما قال عزيز البدراوي رئيس النادي.
البدراوي قال فأنستغرام ديالو بلي تلقا البارح فالإمارات مع المسؤولين ديال الشارقة وسناو شي شراكة ما بين الرجاء وفرقتهم، واستغل هاد الفرصة باش يفكرهم فحق الخضرا فصفقة انتقال مالانكو من عندهم لقطر القطري.
وأكد عزيز البدراوي بلي المسؤولين ديال الشارقة الإماراتي تفهموا هاد البلان، وواعدوه بلي غادي يحولو له مبلغ نسبة الرجاء فالصفقة وهي 20% من بعدما توصلهم منحة انتقال اللعاب للفريق القطري.