قطر شكرت المغاربة حيث جمعو الزبل فتيران "البيت"

شكرت السلطات القطرية المغاربة اللي جمعو الزبل فالتيران من بعدما سالا ماتش المنتخب الوطني المغربي وكرواتيا، الأربعاء اللي فات، فالجولة الأولى من كأس العالم قطر 2022.
وزارة البلدية القطرية نشرت ميساج على مواقع التواصل الاجتماعي، شكرات فيه الجمهور المغربي على الجيست اللي دار حيث نظف بلاصتو وجمع زبلو من تيران "البيت" اللي تلعب فيه الماتش.
للإشارة فالجمهور المغربي من المشجعين اللي ناشطين فالمونديال، وهو من 10 جماهير الأكثر شراء لتذاكر الماتشات فكأس العالم 2022.