الركراكي: التعادل مع كرواتيا راه مزيان حيث لعبنا مع وصيف بطل العالم وبرافو للدراري

اعتبر وليد الركراكي الناخب الوطني، تعادل المنتخب المغربي ضد كرواتيا زيرو لزيرو اليوم فالجولة الأولى من كأس العالم قطر 2022 إيجابي.
وقال الركراكي من بعد الماتش: "لعبنا ضد كرواتيا اليوم فرقة قوية وهي اللي لعبات فينال كأس العالم 2018 الجمهور ديالنا كان طامع فالرباح ولكن خصنا نكونو واقعيين طحنا فكروب ما ساهلش".
الركراكي أكد: "اليوم لعبنا ضد فرقة وراتنا شنو هو النيفو العالي ولكن برافو على الدراري اللي تقاتلو ودارو داكشي اللي كنا باغيين كاينني 3 الماتشات والمهم الدراري يعطيو كاع اللي فجهدهم".