مونديال 2022.. الجابون فركعو مفاجأة جديدة وضربو لالمان

فركع منتخب الجابون مفاجأة جديدة حتى هو فكأس العالم قطر 2022، وقدر يضرب لالمان اليوم الأربعاء فالماتش ديال لكروب 7.
ودخلو لالمان الماتش سخان وضربو البيت الأول فالدقيقة 33 من خلال إيلاكي كوندوكان، لكن جابون قدرو يصدمو كلشي ورجعو فالماتش واستغلوا أخطاء مدرب لالمان هانز فليك اللي خرج مولر وكوندوكان، ضربو التعادل فالدقيقة 75 بواسطة ريتسو دوان، والبيت الثاني ديال الرباح اللي ماركاه تاكوما اسانو فالدقية 83، وكانوا قادرين يزيدو أهداف آخرين، فالوقت اللي لالمانيين تبلوكاو وما قدروش يرجعو فالماتش.
وبهاد المفاجأة خداو الجابون 3 النقاط وكيتصدرو ترتيب الكروب 7، فانتظار نتيجة الماتش الآخر ديال نفس المجموعة ما بين الصبليون كوستاريكا، أما ألمانيا خاصها تسنى الماتش الجاي ضد الصبليون باش تعوض.