كندا اللي غادي تلعب ضد المغرب فالمونديال ربحت الجابون فماتش أميكال

ربح منتخب كندا خصم المنتخب المغربي فكأس العالم 2022، منتخب الجابون فماتش أميكال اليوم فالإمارات، هو الأخير له قبل المونديال.
منتخب كندا ربح الجابون بنتيجة 2 بيوتا لواحد، وكان متاخر فالماتش حيث الجابون ماركاو الاولين فالدقيقة 9 عن طريق يوكي سوما، وماركات كندا التعادل فالدقيقة 21 بواسطة ستيفن دي سوزا، أما بيت الرباح ديال الكنديين ماركاه لهم لوكاس كفاليني فاللحظات الأخيرة من الماتش.
للإشارة فمنتخب كندا هو الخصم الثالث والأخير اللي غادي يلعب معه المنتخب الوطني المغربي فالكروب 6 من كأس العالم 2022، من بعدما يلعب ضد كرواتيا فالجولة الأولى وبلجيكا فالثانية.