أرسن فينكر لخصوم المغرب: ردو البال من المنتخب المغربي راه صعيب وعندو كروب واعر

أكد الفرنسي أرسن فينكر مدير التطوير الرياضي بالاتحاد الدولي لكرة القدم "الفيفا" أن المنتخب الوطني المغربي صعيب وغادي يكون خطير على الخصوم ديالو فكأس العالم المقبلة فقطر.
أرسن فينكر قال فتصريح لقناة ميدي1: "المغرب عندو منتخب صعيب وفيه مواهب كثيرة، هو منتخب ما مرشحش باش يربح كأس العالم، ولكن عندو كروب يقدر يدير مشاكل للمنتخبات الأخرى.
ووضح المسؤول فالفيفا: "حظوظ المنتخب المغربي فكأس العالم غادي تكون رهينة باستقرار المستوى والأداء ديالو، وكون كنت مدرب لواحد من المنتخبات الخصمة للمغرب غادي نكون عارف راسي بلي غادي نلعب ماتش صعيب بزاف".
للإشارة فالمنتخب الوطني المغربي كيتواجد فالكروب 6 فكأس العالم المقبلة فقطر 2022، إلى جانب كل من كرواتيا وصيفة النسخة الماضية وبلجيكا ومنتخب كندا.