حكيم زياش: كنوجدو مزيان لكرواتيا وغادي ندخلو بقوة فالكوب ديموند – فيديو

أكد الدولي المغربي حكيم زياش بلي الأجواء داخل المنتخب الوطني المغربي مزيانة وهادشي غادي يعاونهم باش يدخلو كأس العالم بقوة، وراه كيوجدو لكرواتيا مزيان اللي غادي يلعبو ضدها أول ماتش فالمونديال الأربعاء الجاي.
حكيم زياش قال فتصريح للموقع الرسمي ديال الجامعة الملكية المغربية لكرة القدم: "الأجواء داخل المنتخب الوطني المغربي مزيانة بزاف وحنا عارفين شنو خاصنا نديرو باش نخليو المغاربة يفتاخرو بنا".
وكمل حكيم زياش كلامو وقال: "الماتش الجاي غادي يكون فرصة باش نبينو علاش جينا لقطر وعلاش حنا قادين كمنتخب وكبلاد".
زياش تحدث بزاف على لومبيونس فالمنتخب اللي عاجباه كيشوف بلي غادي تنفعهم: "إلى شفتو لكروب وشفتو المحيط ديال الفرقة غادي يبان لكم بلي كلشي مزيان، كاين جو زوين وكنتواصلو مزيان وخالقين السعادة وكنضربو تمارة فالتمارين، وهادشي مزيان لنا وغادي يخلينا نفردو ريوسنا فالبطولة".