ياسين بونو: كون كنا خايفين من كرواتيا وبلجيكا كاعما نجيو لقطر

أكد الدولي المغربي ياسين بونو بلي الأجواء فالمعسكر ديال المنتخب الوطني المغربي فقط قبل كأس العالم 2022 مزيانة، واللعابا كاملين تجمعو باغيين يديرو نتيجة زوينة فالمونديال وما خايفينش من الخصوم وثايقين فريوسهم وامكانياتهم.
ياسين بونو تحدث فتصريح لقناة "بيين سبورت" على الأجواء فليكيب ناسيونال وقال: "كلشي زوين فالكروب، وغادي نوجدو هاذ السيمانة مزيان باش نكونو جاهزين فالماتش الأول اللي غادي يكون حاسم، وخاصنا نقدمو أداء اللي يخلينا نديرو نتيجة إيجابية".
وبخصوص حظوظ المنتخب المغربي فالمجموعة 6 اللي فيها كرواتيا وبلجيكا وكندا قال ياسين بونو: "كون ما كناش ثايقين فريوسنا كاعما نجيو لقطر، كرة القدم فيها 90 دقيقة وأي حاجة تقدر توقع وغادي نوجدو مزيان هاذ السيمانة والماتشات غادي يتلعبو على جزئيات صغار وغادي نركزو مزيان باش هاذ الجزئيات يكونو فمصلحتنا".