موندبال 2022.. دفع ومنع الصحافيين المعتمدين من قبل قوات قطرية ف"البدع"

ماشي غير الجمهور اللي جا يحضر للافتتاح ف"فان زون" ف"البدع" فالدوحة لي تمنع، حتى الصحافيين المعتمدين لدى الفيفا لتغطية المونديال القطري.
البوليس ديالهم كان قاصح بزاف مع الصحافيين المعتمدين اللي كانو كيتسناو فالباب المخصص. جا جيش من الأمن وبدا الدفيع وخرج كلشي.
هاد الصحافيين طبعا كانو مسلحين بكاميرات وسجلو كلشي وصوروه.
اليوم كانت تصرفات خايبة. هاد الأمنيين جاو بالعود وبالكاسك وكثار بلا والو.
كانو كيتسناو الجمهور ولكن ماشي بحال هاد العدد كيف قال ل"كود" واحد منهم. غير هو باش عرفو كلشي عمر وما بقاتش بلاصة علاش خلاو الناس تجي وتاخذ الطوبيس حتى يقربو من الباب. هادي مشكلة كبيرة فالتنظيم. اللي وقع هنا ما عندو علاقة بديك الصورة الوردية للافتتاح.