زياش سالاها بالخسران مع تشيلسي قبل ما يجي للمنتخب يلعب كأس العالم

ختم الدولي المغربي حكيم زياش ليماتش مع فرقتو تشيلسي فالننكليز بالخسران قبل ما يلعب كأس العالم مع المنتخب الوطني المغربي.
وخسر زياش وصحابو وتشيلسي اليوم الماتش ديالهم ضد نيوكاستل فبطولة النكالزا بواحد لزيرو، ودخل النجم المغربي كبديل فالجولة الثانية لكن ما عطاش داكشي اللي كان كيتسنا منو المدرب ديالو كراهام بوتر.
وغادي يلتحق حكيم زياش بالمنتخب الوطني المغربي باش يشارك معه فماتش أميكال فالامارات نهار 17 من هاذ الشهر ضد جورجيا، ومن بعدها غادي يمشيو لقطر باش يلعبو كأس العالم.