النصيري شكر الركراكي حيث غادي يديه لكأس العالم وها باش واعد المغاربة

كيعيش الدولي المغربي يوسف النصيري فرحة كبيرة حيث عيط له الناخب الوطني وليد الركراكي باش يشارك مع المنتخب الوطني المغربي فكأس العالم المقبلة فقطر، وأكد بلي واجد باش يشرف المغرب والمغاربة.
وتفاعل يوسف النصيري نجم إشبيلية الصبليوني بالدعوة اللي رسلها له وليد الركراكي مدرب المنتخب المغربي للمشاركة فكوب ديموند قطر 2022، وقال فأنستغرام: "السعادة ديالي ما كتوصفش حيث غادي نشارك فالمونديال للمرة الثانية على التوالي".
وشكر النصيري وليد الركراكي ورسل ميساج للمغاربة وقال: "كنشكر المدرب على ثقتو فيا، وكنواعدكم كلكم باش ندير أقصى اللي فجهدي مع زملائي فالمنتخب باش نمثلو بلادنا احسن تمثيل فهاذ المحفل الدولي وديما مغرب".
https://www.instagram.com/p/CkyStGEKVQ_/?igshid=NDc0ODY0MjQ=