بركان غادي يحيدو بنشيخة حيث تقصاو من كأس الكاف

صبح المدرب الجزائري عبد الحق بنشيخة فطريقو لمغادرة نهضة بركان من بعد النتائج السلبية اللي حصدها مع الفريق هاذ الموسم، وآخرها الإقصاء من كأس الكونفدرالية الإفريقية.
ولمح عبد الحق بنشيخة على الرغبة ديالو فالرحيل عن نهضة بركان مباشرة من بعد نهاية ماتش الفرقة ضد الإتحاد المنستيري التونسي، واللي سالا بالتعادل زيرو لزيرو النتيجة الشي اللي جعل البراكنة يودعو المسابقة اللي ربحو الموسم الماضي.
ومن المنتظر ينهي المكتب المديري لنهضة يحسم المكتب المديري لنهضة بركان فمستقبل عبد الحق بنشيخة فالساعات اللي جايا ويتم الانفصال عليه، خصوصا من بعدما غضب عليه جمهور الفرقة اللي كان كيطالب مدة هاذي بالتغيير ديالو.
وكان المكتب المديري ديال نهضة بركان نبه المدرب عبد الحق بنشيخة فوقت سابق هو اللعابا وقاليهم بلي ضروري يراجعو ريوسهم قبل ما يفوتهم الوقت، ولكن حتى حاجة ما تغيرت من غير الوضع ديال الفرقة اللي زاد تأزم بنتائج سلبية فالبطولة الإحترافية والإقصاء من كأس الكونفدرالية .