الجامعة عاقبت بنشيخة مدرب بركان حيت ما حتارمش الإعلام

عاقبت الجامعة الملكية المغربية لكرة القدم مدرب فريق نهضة بركان عبد الحق بنشيخة، حيث ما عطاش تصريح لوسائل الإعلام من بعد نهاية الماتش ديال فرقتو مع المغرب التطواني الثلاثاء اللي فات فمؤجل الجولة 5 من البطولة الإحترافية لكرة القدم.
وقررت اللجنة المركزية للتأديب فالجامعة تغريم عبد الحق بنشيخة، مدرب فريق نهضة بركان مبلغ 20 ألف درهما حيت ما حضرش الندوة الصحافية، اللي كانت من بعد المباراة اللي جمعت بركان بالمغرب التطواني، بناء على الدورية الموجهة للفرق تحت رقم 938
للإشارة فعبد الحق بنشيخة ونهضة بركان كيمرو بمرحلة صعيبة بزاف، حيث الفرقة باقي ما ربحت حتى ماتش فالبطولة هاذ الموسم، وهي الشي اللي مشكل ضغط كبير على المدرب الجزائري.