الجيش الملكي ضربو جوليبا المالي وتأهلوا للگروبات ديال كأس الكونفدرالية

تأهل فريق الجيش الملكي إلى دور المجموعات من كأس الكونفدرالية الإفريقية من بعدما ربح اليوم الأربعاء فتيران مولاي عبد الله بالرباط، فريق جوليبا المالي فتور 32 مكرر من المسابقة.
فريق الجيش الملكي ربح بنتيجة 4 لزيرو، وانتظر حتى دازت 17 دقيقة على بداية الماتش ضد جوليبا باش يوصل المرمى، وتمكن المهاجم ديالو رضا سليم من تسجيل الهدف الأول وسالات الجولة الأولى بواحد لزيرو.
وفالجولة الثانية قدرو ليفار يماركيو 3 ديال لبيوتا، سجلهم كل من ربيع حريمات اللي ماركا البيت الثاني، وحمزة إيكمان زاد الثالث، وديني وبوركيس ختم الحصة بهدف رابع.
ونجح فريق الجيش الملكي من بعد هاذ الرباح من التأهل لدور مجموعات كأس الكونفدرالية الإفريقية، وغادي يتسنى القرعة اللي غادي تكون نهار 16 من هاذ نوفمبر باش يعرف الكروب اللي غادي يكون فيه والخصوم ديالو.