الجيش الملكي جاب التأهل فكأس الكاف من غينيا

نجح فريق الجيش الملكي فالتأهل إلى دور 32 (مكرر) من كأس الكونفدرالية الإفريقية من بعدما ربح مساء اليوم الجمعة، فريق أشانتي كولدن بويز الغيني فغينيا فماتش روتور ديال دور 32 من المسابقة.
وحقق الجيش الملكي الرباح على أشانتي الغيني بهدف قاتل فالماتش ماركاه سليمان بوشكالي، وحجز بذلك الفريق العسكري بلاصا فالتور الجاي بفضل مجموع الذهاب والإياب حيث كان الجيش الملكي ربح فماتش الألي الويكاند اللي فات فالمغرب بنتيجة 4 لبيوت لزيرو.
ومن بعد هذا التأهل غادي يتسنى الجيش الملكي قرعة الدور 32 (مكرر) من كأس الكونفدرالية الإفريقية باش يعرف الخصم ديالو، وهادشي غادي يكون من بعد نهاية دور 32 من دوري أبطال إفريقيا، حيث الفراقي اللي غادي تغادر العصبة من هاذ التور غادي دوز لكأس الكاف.