ليفار رجعو بتعادل ملغوم من مالي فكأس الكاف

تعادل فريق الجيش الملكي مع فريق دجوليبا المالي فتيران الأخير اليوم الأربعاء، فدور 32 (مكرر) من كأس الكونفدرالية الإفريقية لكرة القدم.
وسالا الماتش ما بين ليفار والفريق المالي زيرو لزيرو، مع العلم أن الجيش الملكي ماركا هدف وحيدو الحكم بداعي التسلل، واللعابا ديالو ضيعوا عدد من الفرص فالماتش اللي ما تنقلش فالتلفزة.
وكيبقى التعادل بزيرو لزيرو، فماتش الذهاب ما بين ليفار ممثل كرة القدم المغربية فكأس الكاف أمام دجوليبا المالي، نتيجة ملغومة بالنسبة للفريق العسكري حيث خاصو بربح فماتش الروتور فالمغرب بأي نتيجة وأهم حاجة ما يتماركاش عليه شي بيت باش يضمن التأهل لدور ليكروب.