سيدات الجيش الملكي ربحو أول ماتش فالعصبة

حقق فريق الجيش الملكي النسوي بداية مزيانة فدوري أبطال إفريقيا للسيدات اللي كيحضتنها المغرب، وربح اليوم الأحد فتيران الأمير مولاي الحسن فالرباط، سيمبا التنزاني فأول ماتش له فالمسابقة.
وسالا الماتش ما بين ليفار وسيمبا التنزاني بنتيجة هدف واحد لصفر، وهو البيت اللي ماركاتو ابتسام الجرايدي فالدقيقة 67 من المباراة.
وبهاذ الرباح كايتصدر فريق الجيش الملكي النسوي المجموعة الأولى فعصبة الأبطال برصيد 3 النقاط، فانتظار نتائج باقي المباريات.