الوداد ربح وجدة ورجع لصدارة البطولة

رجع الوداد الرياضي لصدارة البطولة الإحترافية من بعدما ربح مولودية وجدة عشية اليوم السبت فتيران دونور ديال وجدة، فماتش عن الجولة 7.
الوداد ربح مولودية وجدة بهدف واحد لصفر فماتش كان متوسط بزاف ما بين الفريقين، وأهم ما كان فالمواجهة هو هدف الرباح اللي ماركاتو الحمرا واللي بواسطة المهاجم سامبو جونيور فالدقيقة 25، وظلت النتيجة كيفما هي حتى سالا الماتش اللي عرف الوداد كيفاش يربحو بأقل مجهود.
وبهاذ الرباح رجع الوداد الرياضي لصدارة البطولة الإحترافية ورفع رصيدو إلى 17 نقطة، أمام مولودية وجدة فزادت غرقات فأسفل الترتيب وعندها 5 نقاط.