قبل المونديال.. مدرب أوساسونا: ها جديد الحالة الصحية ديال عبد الصمد الزلزولي

غادي يغيب الدولي المغربي عبد الصمد الزلزولي على فرقتو أوساسونا ضد بلد الوليد غدا الأحد فبطولة الصبليون، فالوقت اللي من المنتظر ما يلعبش ايضا ضد فليماتش اللي باقيين مع فرقتو قبل توقف الكرة فدوريات العالم حيث غادي ينطلق المونديال. وكيخضع عبد الصمد الزلزولي للعلاج والراحة، من بعدما كان توعت قبل أيام فماتش أوساسونا وجيرونا فلاليكا وخرج فالدقيقة 8 من المباراة، وتبين من بعد منها أنه محتاج للراحة والعلاج التداريب انفرادية خاصة به.
وشكر أراساتي مدرب أوساسونا فتصريح له اليوم السبت، النجم المغربي عبد الصمد الزلزولي ونوه بمستواه، وتأسف حيث ما غاديش يلعب ضد بلد الوليد حيث موعت وتمنى له الشفاء السريع ويرجع يلعب فوقت قريب قبل كأس العالم، وتمناه يكون حاضر مع المنتخب المغربي فالمونديال.
ومن المنتظر يغيب عبد الصمد الزلزولي حتى فليماتش الجايين ديال اوساسونا ماشي فقط فمباراة اليوم ضد بلد الوليد، حيث خاصاه الراحة داكشي علاش غادي يغيب بنسبة كبيرة ضد سيلتا فيكو نهار 5 نونبر وضد البارصا نهار 8 نونبر باش يلتحق بعدها بالمنتخب الوطني المغربي نهار 10 نونبر ويبدا لبريباراسيون لكأس العالم.