فرنسا مع جينرالات الجزائر ضد لقبايل. فضيحة تدخل الاليزي لمنع فرحات مهني لمنع حوار له مع "سي نيوز"

فرنسا ماكرون مشات بعيد فعلاقاتها مع جينرالات الجزائر. بعد زيارة ماكرون للجارة الشرقية٬ رئيس فرانسا كيدير كلشي باش ما يقلقش صحابو من الجينرالات٬ اخر هاد الشي تدخلو لمنع مرور فرحات مهني رئيس لقبايل المعلنة من جانب واحد٬ فقناة "سي نيوز" الاخبارية ديال الملياردير بولوري اللي حتى هو باغي حقو من دزاير.
المشهد عبثي. فرحات مهني وصل للبلاطو. القناة علنات على الضيف ووجدات هادي مدة. خرج صحافي مسؤول فالقناة باش يخبر مهني بالقرار. حتى الصحفي جاه هاد الشي عبثي وغريب وقالها ففيديو خرج من بعد.
مهني قال باللي هادا قرار الاليزي بعد تعرضو لضغط من جينرالات الجزائر.
"ماگريب كونفيدانس" قال باللي هاد الجينرالات ضغطو علي فرانسا وهددوها باللي ايلى داز هاد الناشط ف"سي نيوز" ما غادياش تكون زيارة الوزيرة الاولى الفرنسية للجزائر.
ماشي هادي اول مرة صحافة الاليزي كيدخل باش يحيد مقال او يطلب اخر من صحافة فرانسا المستقلة