وازمة هي. جينرالات العسكر كعاو على تسريب بطاقة ضابط صف لابس حوايج لعيالات فمراكش

هاديك لفضيحة اللي وقعات فمراكش بمواطن بسباب لباسو ما صدماتش غير المواطنين حتى جينرالات الجيش٬ فحسب مصدر ل”كود” فان هاد الجينرالات كعاو بزاف ماشي باللي تنشرات صورة الشاب بل بللي نشرو ليه بطاقتو العسكرية.
وفق مصدر “كود” فانهم امروا بتحقيقات داخلية باش يعرفو شكون المسؤول على ترويج هاديك البطاقة واش كيقصد منها.
هاد الشي جا بعد اعلان المديرية العامة للامن الوطني فتح تحقيق في الجهات الامنية اللي سربات شي صور ديالو بالمينوط.
هاد المواطن كانو تكرفسو عليه بزاف نشرو تصاورو شوهو حياتو نشرو لاكارط ديالو وفين خدام وصور قديمة ليه. كاع اللي كاين فالتشهير داروه ليه