بسباب "المرقة".. المگارعة نايضة فانتخابات غرفة الصناعة ديال كازا والقوة العمومية تدخلات وخرجات عضو من القاعة والصحافة تمنعات من خدمتها والعنصر كيحتج على الداخلية

نايضة قربالة وگيرة كبيرة فغرفة الصناعة والتجارة والخدمات بالدار البيضاء على ود انتخاب رئيس هاد الغرفة ما بين الحركة الشعبية والاستقلال.
وكشفات مصادر "گود" ان امحند العنصر الامين العام ديال حزب الحركة الشعبية اتصل بوزير الداخلية عبد الوافي الفتيت واحتج على على هذه الفوضى وتدخل القوات العمومية فالعملية واقتحامهم لمقر الغرفة لي فيها الانتخابات ديال انتخاب الرئيس ومكتب له لغرفة التجارة والخدمات لجهة كازا سطات .
ووضحات مصادر "گود" أن المرقة هي لي منوضا هاد الصداع كامل في بنادم وبلي الانتخابات الى تدارت سرية فراه البركاني ميحلمش يعاودعا حيت جل الاعضاء كاعين عليه .
الفوضى دبا هي جزء من فوضى الانتخابات التي عرفتها غرفة التجارة والصناعة والخدمات منذ الاطاحة بالرئيس البركاني بسبب خروقات يوم التصويت وعدم احترام المساطر والتلاعب في المحاضر. وهو ما يتكرر اليوم.