بسباب كيم كارداشيان وكايلي جينر.. إدارة "أنستكَرام" تراجعات على لاميزاجور الجديدة

تراجعات إدارة "أنستكَرام" على التغييرات اللي كانت ناوية تديرها فالبلاتفورم بعدما دعمت كايلي جينر وكيم كارداشيان حملة طالبات إدارة الشركة المذكورة باش ما يبدلوش حتى حاجة وبلا ما يحاولوش يوليو بحال موقع "تيك توك" فاعتمادهم على مقاطع لفيالفيديو بشكل أساسي أكثر من التصاور.
المستخدمون ديال ال"أنستكَرام" فكَاع أنحاء العالم كعاو على هاد لاميزاجور ديال لابليكاسيون واتاهمو الإدارة بمحاولة تقليد "تيك توك".
مول "أنستكَرام" مارك زوكربيركَ، تراجع على التغييرات فآخر لحظة، ولكن فالمقابل قال أنه ناوي يطبق تغييرات أخرى مستقبلا بلا ما يتشاور مع حد.