نايضة على كيم كارداشيان حيت تكرفسات على كسوة مارلين مونرو اللي لبسات الشهر الفايت – تصاور وفيديوهات

اتاهم سكوت فورتنر (Scott Fortner)، وهو كوليكتور كيجمع التحف الفنية وكَاع الاكسسوارات والحوايج الخاصة بالنجمة الراحلة مارلين مونرو، (اتاهم) كيم كارداشيان بللي تكرفسات وخرجات على لاغوب ديال مونرو، واللي كانت لبساتها هاد الأخيرة فعيد ميلاد الرايس السابق جون إف كينيدي.
جورنال «الكَارديان» البريطاني قال أن نجمة تلفزيون الواقع كاردشيان، قبل ماتلبس الفستان المذكور فالحفلة الخيرية "Met Gala" فشهر ماي الفايت، تصرفات فيه وقطعاتو لأنه ما جاش قدها بسباب الفرق فالفورمة بينها وبين مولاتو الأصلية مارلين مونرو.
ونشرات "The Marilyn Monroe Collection" اللي هي الصفحة الرسمية ديال الكوليكتور "سكوت فورتنر" ف"أنستكَرام" عدد ديال التصاور وفيديوهات على كيفاش كانت لاغوب قبل وبعدما رجعاتها كيم كارداشيان، وقارن بين حجر الكريسطال اللي طاح بعد الاستعمال، واللي قال أنه صعيب يتصاوب ويرجع كيف كان.
https://www.instagram.com/marilynmonroecollection/?hl=fr