راجل قتل مرات صاحبو وشعل العافية فالدار بعدما رفض ينعس معاها

مهاجر غيني فمصر قتل بنت بلادو، بعدما طلبات منو ينعس معاها، لكن هو مابغاش.
هاد الشخص قتل مرات صاحبو وسط دارها ومن بعدها شعل العافية فالدار، باش ماتبقاش باينة معالم الجريمة.
الضحية، كيف قالت وسائل إعلام محلية، يبدو أنها "استغلات غياب راجلها، و أنها بوحدها فالدار مع صاحبو اللي مريض نفسيا، وطلبات منو ينعس معاها بزاف ديال المرات، لكن هو كان كيرفض، ومللي حكَرات عليه خنقها حتى ماتت".
وشعل القاتل العافية فالدار، باش يوهم البوليس بللي السيدة ماتت بسباب الحريق، لكن التحريات كشفات الحقيقة، وشدوه بتهمة القتل العمد وشعيل النار.