فزيارتها لبلادنا مؤخرا.. إيفانكا بنت ترامب شرات وتار سوسي وقفة تقليدية سوڤونير – تصاور

تقدات إيفانكا ترامب، بنت الرئيس الميريكاني السابق دونالد ترامب، بعض الأغراض اللي داتهم معاها من المغرب، من بينهم قفة وآلة الوتار الموسيقية المغربية.
وبانت إيفانكا، وهي فالمطار، من بعد ما سالات تسافيرتها فالمغرب، هازا قفة تقليدية، ووسطها الآلة الموسيقية "الوتار" اللي غيكون من النوع المعروف بالسوسي على حساب الشكل ديالو (هو باش كيخدمو الروايس فالموسيقى ديالهم بالإضافة للرباب)، وبجوجهم خداتهم كسوڤونير من بلادنا.
إيفانكا ترامب، وراجلها اللي كان كبير المستشارين ديال بّاها أيامات كان رايس ميريكان، جاريد كوشنير، دوزو شي يامات فالمغرب وزارو مراكش، وطنجة، والداخلة وبلايص أخرى تساراو فيها.
وكانت إيفانكا نشرات عدد ديال التصاور خاصة بهاد الزيارة لبلادنا فالكونط ديالها ف"أنستكَرام".
https://instagram.com/ivankatrump?igshid=YmMyMTA2M2Y=