بعدما شراه إيلون ماسك.. واش غادي يرجع ترامب ل"تويتر"؟

من بعدما سالات عملية شراء الملياردير الميريكاني أيلون ماسك لموقع "تويتر"، بدات الهضرة على رجوع رئيس ميريكان السابق دونالد ترامب ل"تويتر" بعدما جراو عليهم منو منذ الانتخابات الأمريكية اللي تنافس فيها مع جو بايدن.
ترامب كيروج بللي مصاحب مع أيلون ماسك، وكان قال عليه أنه من العباقرة اللي فميريكان، وهادشي اللي خلا بعض وسائل الإعلام و متتبعين يهضرو على إمكانية رجوع ترامب ل"تويتر".
من جهة أخرى قالت مصادر لوكالة "رويترز"، أن ترامب ماغاديش يرجع ل"تويتر"، وغادي يبقى كيخدم بالبلاتفورم "تروث سوشيال" (Truth Social) اللي كيملكها.