زلكَة خايبة.. "فايسبوك" عطا العلامة الزرقة لكونط كينصب بسمية إيلون ماسك

طاح "فايسبوك" في واحد الخطأ كبير بعدما عطا العلامة الزرقا (البادج لزرق) لواحد لاپاج دايرها شخص (أو أشخاص) كينصب بالسمية ديال الملياردير إيلون ماسك، أغنى رجل في العالم.
موقع "ذا فيرج" قال أن الشخص اللي داير سمية إيلون كينصب في العملة المشفرة "بيتكوين".
المشكل أن اللي مورا هاد لاپاج داير في البيوكَرافي أنها صفحة ديال المعجبين وماشي حقيقية ومع ذلك "فايسبوك" زلكَ.
موالين هاد لاپاج ساكنين في مصر وماشي في ميريكان، وصوبوها في 2019 وبقاو كل مرة يبدلو ليها السمية حتى ختارو في الأخير يديرو إيلون ماسك شهر أكتوبر اللي داز.