ضابط شرطة ممتاز شدّوه كينصب على الراغبين فدخول أسلاك البوليس

حملة الأيادي النظيفة متواصلة عند عبد اللطيف حموشي. المدير العام للأمن الوطني. فقد فتحت "لابيجي" بمدينة الجديدة، زوال اليوم الثلاثاء، بحث قضائي مع بوليس عندو كراد ديال ضابط شرطة ممتاز، وكيخدم ف المصلحة الإدارية بأمن الجديدة.
هاد البوليسي الموقوف متورط فشي قضية تتعلق بالنصب والاحتيال على الراغبين في التوظيف في صفوف الأمن الوطني. المديرية العامة ديال البوليس كشفت أن "لابيجي" ف الجديدة كانت توصلات ب4 شكايات لأشخاص كانوا ضحية للنصب والاحتيال من قبل موظف الشرطة المشتبه فيه.
وكشف المصدر أن هاد البوليسي كان خدا من ضحاياه فلوس مالية متفاوتة مقابل وعود وهمية بالتوسط لفائدتهم في التوظيف في مختلف أسلاك ورتب الأمن الوطني.