الرشوة خرجات على “أنسبكتور” فالمهدية وها كيفاش طَاحْ

omarelmouzaine@gmail.com
الرشوة خرجات على “أنسبكتور” فعاصمة الغرب. فقد فتحت “لابيجي” ديال القنيطرة بحثا قضائيا ليلة أمس الأحد، مع مفتش شرطة يعمل بمنطقة أمن المهدية بالقنيطرة. هاد البوليس متورط فشي قضية كتعلق بالرشوة. وفق ما كشفت عنه بلاغ ديال مديرية الأمن.
المصدر نفسه كشف أن المصالح ديال ولاية أمن القنيطرة كانت توصلات بشكاية من شخص كيقول فيها أن هاد البوليسي طلب منو فلوس للامتناع عن القيام بعمل من أعمال وظيفته، وهو ما استدعى فتح بحث دقيق أسفر عن توقيف مفتش الشرطة المشتبه به في حالة تلبس بتسلم مبلغ الرشوة.
دبا هاد البوليسي راه ف الحراسة النظرية والإدارة ديالو صدرات فحقو قرار ديال التوقيف المؤقت عن العمل ، وذلك في انتظار انتهاء المسطرة القضائية ليتسنى لها اتخاذ التدابير التأديبية اللازمة.