إيلون ماسك: خاص الناس يزيدو يولدو باش نضمنو استمرار البشرية

طلب الملياردير الميريكاني/ الكندي من أصل جنوب إفريقي، إيلون ماسك، من الناس يزيدو يولودو باش البشرية تضمن استمرارها وإلا العالم غادي يسالي.
هاد التحذير اللي جا على لسان ماسك صرح بيه من بعد عدد من التوقعات اللي جا فيها أن عدد سكان العالم غادي ينخافض لأول مرة عام 2100، وهادشي اللي غادي يأثر اقتصاديا واجتماعيا بشكل كبير بزاف.
وكشف تقرير جديد تنشر فمجلة "The Lancet" الطبية البريطانية، أن عدد سكان العالم غادي يوصل قريبا ل9.7 مليار قبل ما يتراجع إلى 8.8 مليار بحلول سنة 2100.