اللي كان منتظر وقع وجيد خرج ديربي مكفس. فماتش فيه جوج بيلانتيات عليهم هضرة كثيرة وتفرقو فيه كارطات حمرين وصفرين بالعرام.. الرجاء ربح الوداد ونقص من فارق النقط معاه فالصدارة

اللي كان منتظر وقع وجيد خرج ديربي سيء. القمة الكروية بين الوداد والرجاء، برسم الجولة ال 25 من الدوري المغربي للمحترفين، كانت قمة فالجدل والروينة وتحولات لموعد عطا صورة سلبية على الفوتبول فالمغرب.
فبعدما كان الجمهور الرياضي كيتساين هاد الماتش باش يشوف قطبي الكرة فكازا كيقدمو طبق كروي جميل فسباق تنافسهم على اللقب، حدث العكس، اليوم الخميس، على أرضية المركب الرياضي محمد الخامس بالدار البيضاء.
ودخلت المباراة فأجواء مخربقة ومكهربة بسباب الحالات التحكيمية المثيرة للجدل التي أعلن عنها رضوان جيد.
وأعلنت صافرة المباراة عن ضربتي جزاء عليها هضرة كثيرة لصالح الرجاء، وهو ما منحها التفوق فهاد الماتش. قبل ما يجد نفسه مضطر إلى توزيع البطاقات الحمراء الصفراء، بعدما كانت طريقته في إدارة المواجهة لها أثر سيء وترات الأجواء وريبات ماتش كيتعتابر من أفضل الدريبيات فالعالم.
وبهذا، كان رضوان جيد هو نجم المباراة والهضرة فالأيام الجاية غادي تكون عليه أكثر من هاد الماتش للنسيان بالنسبة للجمهور الرياضي، خصوصا الوداديين، لكن فالمقابل يشكل محطة فارقة للأخضر في سباق التنافس على لقب هذا الموسم، وذلك بعما مكن هذا الفوز الأخضر من تقليص فارق النقاط بين الناديين إلى نقطة واحدة.