الحكومة طلقات مشروع 150 قاعة سينمائية للأفلام المغربية.. مصدر ل"كود": هادو قاعات فدور الثقافة تم تجهيزها

اليوم غادي يعلن محمد المهدي بنسعيد وزير الشباب والثقافة والتواصل، عن إطلاق مشروع 150 قاعة سينمائية للأفلام المغربية.
هاد المشروع لي خدمات عليه الحكومة، من خلال تجهيز قاعات بدور الثقافة فالمغرب، غير فهاد فأشهر قليلة منذ تعيينه، عطا النتيجة بحيث وجدات أول قاعة سينمائية، بالمركب الثقافي محمد حجي بمدينة سلا الجديدة، لي غادي يتم تدشينها يوم غد الجمعة بداية من الساعة الرابعة بعد الزوال.
وحسب مصدر بوزارة الثقافة، فإن هاد 150 قاعة سينمائية ماشي غادي تبنا من جديد، وانما فقط تجهيز قاعات داخل دور الثقافة لي فالمغرب ولي كتوفر على بنيات حديثة.
هاد القاعات فيهم ما بين 200 تال 300 مقعد. وهاد القاعة ديال سلا جديدة هي اول قاعة واجدة ومجهزة.