لمحاربة التشرميل. شرطة النجدة غادية تبدا خدمتها ففاس

المعاناة ديال فاسة مع ظاهرة التشرميل غادي توقف شويا. فقد علمت “كود”، أن ولاية أمن فاس، غادي تعرف تطور نوعي فالآليات ديال العمل الأمني اللّي واقفة عليها لمدينة هادي شحال، حيث سيتم تدشين قاعة للقيادة والتنسيق، مع إطلاق وحدة متنقلة لشرطة النجدة. هاد المشروع لكبير كان دافع ليه عبد الإله السعد والي أمن المدينة ومتبعو شخيصا.
وحسب المصادر نفسها، فإن هاد المشروع الهام الهدف منه هو تقريب العمل الأمني للمواطن. والحاجة اللّي فيه زوينة هي غادي تكون الاستجابة الفورية والسريعة لجميع نداءات المواطنين الواردة على مصالح الأمن على مستوى “الخط الأمني 19″، مشيرة إلى أن الافتتاح ديال هاد المشروع غادي يبدا مع نهاية السنة على أبعد تقدير.
القاعة ديال القيادة، وفق مصادر “كود”، غادي تكون فيها تقنيات جد متطورة وحديثة فالمجال ديال التواصل بين البوليس وسكان فاس