إوا هادشي ديروه من شحال هادي.. المجالس المنتخبة بفاس اعطات 48 موطور للبوليس +صور

سلّمت المجالس المنتخبة على مستوى مدينة فاس، يوم الإثنين (5 مارس 2018)، دراجات نارية من الحجم الكبير، والبالغ عددها 48 دراجة إلى ولاية أمن المدينة. هاد المبادرة زوينة وتندرج في إطار تعزيز الأمن ومحاربة الجريمة لكن هاد المجالس فين كانت ناعسة شحال هادي.
وحسب مصادر “كود”ن فقد رصدت لهذه الدراجات النارية غلافا ماليا قدره 15 مليون درهم، ساهم فيه مجلس جهة فاس مكناس ب8 مليون درهم، ومجلس عمالة فاس بمليون درهم، بينما قدم مجلس مدينة فاس 6 مليون درهم. مبادرة زوينة بزاف لكن خاص مزال الجهات المنتخبة تعاون البوليس.
وتعتبر هذه المبادرة الثانية من نوعها، بعد أيام قليلة من تسليم سيارات جديدة إلى مصالح ولاية أمن فاس واللّي قدمها مجلس جهة فاس مكناس.. لكن هادشي مكافيش حيتاش فاس كبيرة بزاف وتشهد توسع عمراني يوما بعد يوم.
دبا مزال غير الجماعة تفسر للمواطنين علاش كانت دارت فعهد شباط مشروع الكاميرات فشوارع وأزقة المدينة سيما بالأحياء الهامشية بشراكة مع مديرية الأمن ودبا مقضاش تنوض تحيّين هاد الكاميرات اللّي كولهوم خسرو على اعتبار أن الجماعة هي المسؤولة.