"كود" في حوار حصري مع كيم كارداشيان المغربية اللّي قربلات العالم الأزرق: الشبه ديالي بكيم "مكسب" كبير ليا وأنا فخورة

تقدم "كود" حوار حصري مع سيدة الاعمال نعيمة فريجي بنفايدة صاحبة المركب المدرسي (كوسطاف إيفيل Gustave Eiffel)، والتي اشتهرت على مواقع التواصل الاجتماعي ب"كيم كارداشيان المغربية". واثارت صورها الجميلة ضجة واسعة بين رواد موقع التواصل "فايسبوك". صورة جات بعد تدشينها لمدرستها بمكناس بمناسبة عيد العرش وحضر العامل وووو
كود: شنو تقدري تقولي لينا على وصفك بالنجمة كيم كارداشيان؟
نعيمة بنفايدة: معندي منقول لكن يخلق الله من الشبه أربعينين والحمد لله اللي نقدر نقول هو اني خدامة على راسي وكنحقق النتائج في غاية ما يكون.
كود: باش تردي على روّاد مواقع التواصل الاجتماعي؟
نعيمة بنفايدة: إوا كنشكرهوم حيتاش كيم غنية عن التعريف.
كود: واش كتحسّي انك كتشبهي للنجمة كيم؟
نعيمة بنفايدة: نعم كاين بزّاف ديال الناس اللي كيقولوها ليا لكن انا معمري اعرفت انا هاد الشبه غادي يلقا هاد الصدى كولو بهاد الدرجة يوم افتتاح المركب المدرسي الخاص "كوسطاف إيفيل".
كود: كونتي لابسة لباس كيشبه فكولشي لكيم واش هادشي صدفة؟
نعيمة بنفايدة: هاديك غير صدفة ومعندها حتى شي خلفية او شي علاقة.
كود: واش انتي فخورة حيتاش كتشبهي للنجمة كيم كارداشيان؟
نعيمة بنفايدة: نقدر نقول فخورة ونقدر نقول لا حيتاش هي إنسانة مشهورة ومتزنة رغم أنها عارضة أزياء وفيه بزاف ديال الأوصاف اللّي زوينة وغير الشبه ديالي بيها هذا بوحدو "مكسب" كبير ليا.
كود: واش مكتفكريش ديري شي حاجة ديالك كتحمل إسم "كارداشيان"؟
نعيمة بنفايدة: صحيح كانت عندي فكرة هادي 3 سنوات وكنتمى من الله أنها تتطور وتتحقق.
كود: ممكن نعرفو شنو هي هاد الفكرة؟
نعيمة بنفايدة: نكون عارضة أزياء.