خبر زوين من أوروبا.. المصادقة على صناعة شارجور موحد لكَاع التلفونات وليطابليت – فيديو

اتخذت دول الاتحاد الأوروبي قرار على فرض شارجور ديال تلفونات موحد يخدم فكَاع التلفونات وليطابليت ومانيطات ألعاب الفيديو والكاميرات الرقمية، وهادشي من هنا لعامين ونص.
وكالة الأنباء الفرنسية قالت أنه رغم استياء شركة "آبل" الميريكانية اللي عارضات هاد الإجراء، فإن المفوضية الأوروبية فعلات الخطوة، وقالت بللي هدفها تخلي حياة المستهلكين أسهل، وغادي تساعدهم حتى فتوفير المال.
البرلمان الأوروبي دار بيان وقال أنه من هنا لعامين غادي يتمكنو الناس فدول الاتحاد الأوروبي يشارجيو تيلفوناتهم بشارجور واحد، وماشي كلما شراو تيليفون جديد يشريو معاه حتى شارجور جديد.