التلامذ فالشينوا غيتزادوهم دروس فالطياب والنظافة وسط البروكَرام اللي أصلا مشارجي

علنات وزارة التربية والتعليم الصينية على أنها غادي دخل دروس إلزامية ديال أساسيات الطبخ والتنظيف الذاتي، في مناهج ديال الطلاب من 6 سنين ل12 عام.
صحيفة "The Times" البريطانية قالت أن الغرض من هاد الخطوة هو أن الوليدات يتعلمو يعتامدو على ريوسهم فالحاجيات اليومية من الطياب والنظافة.
وابتداءا من شهر 9 اللي جاي غادي يبداو التلامذ ياخدو هاد الدروس ساعة فالسيمانة، وهي إلزامية، وغادي يكون فيها حتى بريكولاج ديال الأجهزة المنزلية.
وكيتعتار النظام التعليمي فالصين مضغوط وكلو ستريس وبروكَرامو مشارجي بزاف، واللي كيتعرض لانتقادات دولية باش يخففو على الدراري الواجبات المنزلية والدروس الخصوصية والأنشطة الإضافية.