سمحو فطوموبيلتهم وهربو على رجليهم قبل ما يحاصروهم الناس.. جوج أشخاص تعداو على مواطن بجنوية وسط مدينة العروي – تصاور

واقعة غريبة عاشتها مدينة العروي فإقليم الناظور، عشية اليوم، بعدما تعداو جوج أشخاص كانو راكبين فطوموبيل، قبل ما يحاصروهم مواطنين فاش حاولو يهربو على رجليهم وسط الدروبا.
هاد المعتدين كانو راكبين طوموبيلة من نوع "فياط تيبو"، هبطو منها وتعداو بجنوية كبيرة على مواطن كان على غادي على رجليه، قبل ما يسمحو فالطوموبيل فمحاولة منهم باش يهربو وسط الدروبا ديال المدينة، فديك اللحظة تبعوهم لعض المواطنين وحاصروهم حتى جاو البوليس.
مباشرة بعدما تلقاو الخبر، حضر رئيس فرقة "لابيجي" ديال المدينة برفقة العناصر ديالو، اللي اعتاقلو المعنيين بالأمر مباشرة، وفتحو تحقيق باش يكشفو ظروف وملابسات هاد الواقعة، فحين تم نقل الضحية للصبيطار باش يتلقى العناية الطبية اللازمة.