الجدارمية اعتاقلو المتهمين بشعيل العافية فواحة تافراوت

الجدارمية شدو جوج دالناس، يشتبه في كونهم المسؤولين على الحريق ديال واحة آيت منصور، اللي دمر أكثر من 7 هكتار ديال النخل على مسافة طولية ديال كيلومتر تقريبا.
وقدرو الجدارمية يحدو المتهمين الرئيسيين بعدما فتحو تحقيق فالحادث اللي وقع ولبارح الخميس، بتعاون مع السلطات المحلية.
والموقوفين عندهم 48 ساعة دالحراسة النظرية، وغادي يتحالو على النيابة العامة دابتدائية تيزنيت غدا الأحد.
والناس دالوقاية المدنية لقاو صعوبة باش يطفيو العافية، واخا استعانو بهاليكوبتبر باش يطفيو العافية، حيت الريح كانت مجهدة بزاف، والحريق بقا حتى للجمعة فلعشية.